Alex Þór Jónsson (24) hefur búið í hættulegustu hverfum Bandaríkjanna:

Rapparinn Alex Þór Jónsson, betur þekktur sem Lexi Picasso, hefur vakið athygli margra á Íslandi undanfarna mánuði fyrir að ritskoða ekki sjálfan sig að neinu leyti á samfélagsmiðlum. Alex einbeitir sér aðallega að Bandaríkjunum þar sem hann segist hafa viðamikið tengslanet hjá þekktum plötuútgáfum og röppurum.

25. tbl. 2016, eiturlyf, Lexi Picasso, rapparalíf, rappari, SH1607077964

Í FLOTTU FORMI: Alex hugsar mikið um ímynd sína og er algjörlega óhræddur við að fara úr að ofan og sýna vöðvana.

 

Erfið æska „Mér var sparkað úr skóla þegar ég var 15 ára,“ segir Alex um hvernig hann varð að þeim manni sem er hann er í dag. „Ég er greindur með andlega fötlun og ég var eiginlega bara götustrákur sem gerði það sem ég þurfti að gera til að komast á þann stað sem ég er núna. Ég stofnaði fyrirtæki þegar ég var 17 ára sem gekk vel og skilaði mér smávegis peningum,“ segir Alex. Hann vissi ekki hvað hann ætti að gera næst svo Alex fór til föður síns og spurði hvað hann ætti að gera. „Hvað langar þig til að gera?“ var svarið sem hann fékk og frá því hefur Alex einbeitt sér að viðskiptum og tónlist.

 

25. tbl. 2016, eiturlyf, Lexi Picasso, rapparalíf, rappari, SH1607077964

DÝRMÆTT SAFN: Alex á safn af Pokémon-myndum sem hann segir að sé verðmetið á mörg þúsund dali.

 

Ekki alltaf verið rappari
„Ég hef trommað alla mína ævi,“ segir Alex um upphaf sitt í tónlistarheiminum. „Ég var upphaflega síðhærður rokkari. Ég spilaði með Unnsteini í Retro Stefson í hljómsveit áður en hann stofnaði Retro Stefson. Ég hef trommað síðan ég var fjögurra ára svo tónlist hefur alltaf verið stór partur af lífi mínu.“ Þegar Alex byrjaði að rappa gerði hann það upphaflega á íslensku en skipti fljótlega yfir í ensku. „Þegar ég var yngri voru allir vinir mínir yfir þrítugt með börn, allir svartir og frá Afríku eða Jamaíka. Þeir voru alltaf að rappa á ensku og ég var alltaf að tala ensku,“ en bætir svo við: „Það er ekki neinn peningur í að rappa á íslensku.“

 

25. tbl. 2016, eiturlyf, Lexi Picasso, rapparalíf, rappari, SH1607077964

ALLTAF TIL VÍN: Alex nýtur þess að drekka ýmiss konar vín og greinir iðulega frá því á samfélagsmiðlum.

 

Gerir lög fyrir aðra

Alex horfir mikið til Bandaríkjana í tónlist sinn og selur mikið af lögum til erlendra tónlistarmanna sem þeir nota sem sín eigin. „Tekjuauðlind mín er að skrifa fyrir aðra tónlistarmenn,“ segir Alex með bros á vör um hvernig hann vinni sér inn peninga. „Ég fæ borgað um það bil fimm þúsund dollara fyrir viðlag eða heilt lag. Ég sel kannski sjö lög á mánuði, ef ég er heppinn þá sel ég fleiri.“ Varðandi sína eigin tónlist segist Alex hafa fengið mörg tilboð frá plötufyrirtækjum og mörg sem standi honum til boða í dag. „Ég er búinn að segja nei við 650 þúsund dollara samningsboði sem var þrælasamningur.“

 

25. tbl. 2016, eiturlyf, Lexi Picasso, rapparalíf, rappari, SH1607077964

SÉRMERKT FÖT: Eins og sönnum rappara sæmir klæðist Alex sérmerktum fötum.

 

Virtur í hættulegustu hverfum Atlanta

„Þegar fyrstu gaurarnir voru að byrja þá var þetta svalt. Það hefur breyst og allt gengið á afturfótunum,“ segir Alex um íslenska rapptónlist og þá þróun sem hefur átt sér stað í þeim heimi. „Í mínum huga er skemmtun, skemmtun en ef þú myndir segja það sem þeir segja á Ísland í Bandaríkjunum yrðu þeir drepnir. Ég bjó í hættulegasta hverfi Atlanta, ekki margt hvítt fólk getur stigið þar inn en ég fékk mikla virðingu. Ég hef lifað í gegnum alvöruhluti, ég hef verið í hættulegustu hverfunum og ég hef verið stunginn, ég hef skotið af byssu, haldið á AK-47. Ég hef verið í bíl með fimm mönnum með fullhlaðin vopn. Það er ekkert grín,“ segir Alex sem hefur sjálfur ítrekað birt myndir af sér með byssur, peninga og eiturlyf á samfélagsmiðlum en óttast ekkert að lögreglan geri eitthvað í þeim efnum. „Þeir geta ekki gert neitt, ég er með lögfræðing. Þeir mega banka á hurðina hjá mér.“

 

25. tbl. 2016, eiturlyf, Lexi Picasso, rapparalíf, rappari, SH1607077964

MIKILL SPEKINGUR: Það þarf mikla speki til að skrifa góða rapptexta til þess að selja fólki í Bandaríkjunum og getur því Alex leitað til reynslu sinnar í Atlanta þar sem hann var umkringdur byssum alla daga.

 

Snýst um aðdáendurna

Hreinskilni er ofarlega í huga Alex þegar hann tjáir sig um Emmsjé Gauta og íslenskt rapp sem heild. „Gauti er með krakkana og stóran hóp sem fílar hann en hann þarf að vera minna hrokafullur,“ segir Alex um muninn á sér og öðrum íslenskum tónlistarmönnum. „Hann þarf að vera betri við aðdáendur sína. Ég er örugglega eini íslenski tónlistarmaðurinn sem hefur boðið aðdáendum heim til sín að spila PlayStation. Ég elska aðdáendur mína.“

 

Lexi Picasso

PENINGAR ÚT UM ALLT: Hann er algjörlega óhræddur við að sýna alla þá peninga sem hann hefur í fórum sínum á samfélagsmiðlum.

 

Óskar eftir fyrigefningu

Þó að Alex sé gífurlega hreinskilinn og ritskoði sjálfan sig ekki þá viðurkennir hann að hann hafi gert mistök og látið orð falla um aðra á samfélagsmiðlum sem hann sjái eftir. „Ég vil biðja Gísla Pálma, Emmsjé Gauta, Sturlu Atlas og Alexander Jarl afsökunar, þeir eru góðir. Ég vona að þeir geti allir fyrirgefið mér og við getum sópað þessu undir teppið og við getum byrjað upp á nýtt,“ segir Alex auðmjúkur.

 

25. tbl. 2016, eiturlyf, Lexi Picasso, rapparalíf, rappari, SH1607077964

SKÓFÍKILL: Það eru fáir sem geta leyft sér að eiga jafnmarga og dýra skó og hann Alex.

 

Lesið Séð og Heyrt á hverjum degi!

Related Posts