Árni Már Jensson (56) miðlar áfram:

Fjölmargir Íslendingar leita til læknamiðla. Árni Már er einn þeirra sem aðstoðar fólk sem leitar til hans en hann starfar hjá Sálarrannsóknarfélagi Íslands.

Aðstoð „Þórður leitaði til mín og það var á fundi okkar sem Einar á Einarsstöðum kom fram og kom þeim skilaboðum til okkar að Þórður ætti að gera seyði úr hvönn,“ segir Árni Már sem starfar hjá Sálarrannsóknarfélagi Íslands.

Það kann að hljóma undarlega í eyrum sumra að vinna fæðubótarefni eftir uppskrift sem berst frá látnum læknamiðli til læknamiðils en margt í veröldinni á sér ekki rökrænar skýringar.

„Við Þórður hittumst nokkrum sinnum. Einar kom í gegn á nokkrum fundum og smám saman safnaðist nóg af upplýsingum til að mögulegt væri að setja saman seyði sem er nú selt undir nafninu Eyvindur. Ragnhildur Gottskálksdóttir amma mín, sem einnig var frægur læknamiðill, var stjórnandi fundanna. Þórður gætti þess vandlega að senda sýni af tilraununum með jöfnu millibili til rannsóknarstofnana sem jafnframt skiluðu staðfestingu á að krabbameinsfrumur drápust að miklu leiti. Það hefur sýnt sig að virknin er góð jafnt í tilraunabökkum sem og til inntöku þó ávalt sé rétt og varkárt að fullyrða ekki um of og farsælast að hver prófi fyrir sig. Einnig hefur komið fram að seyðið hefur unnið með jákvæðum hætti á þvagfærasýkingum beggja kynja.“

Árni Már telur það mikilvægt að þynna veggi fordóma gagnvart því starfi sem miðlar vinna.

miðill

ALLIR VELKOMNIR: Hjá Árna Má og samstarfsfólki hans í Sálarrannsóknarfélagi Íslands standa dyrnar öllum opnar.

„Við stjórnum því ekki hvað kemur fram og hvað ekki, við erum einungis að miðla því sem kemur til okkar, sumt kemur sterkara fram en annað og það var í þessu tilviki þegar Einar vitjaði okkar, enda starfaði hann sjálfur sem læknamiðill og var einn sá virtasti á landinu,“ segir Árni Már og hvetur landsmenn til að kynna sér starfsemi Sálarrannsóknarfélagsins sem var stofnað árið 1918 og er með elstu starfandi félögum landsins.

Related Posts