Svampur Sveinsson (15):

 

Bandarísku teiknimyndirnar um Svamp Sveinsson (þ.e. SpongeBob Squarepants) hafa notið gríðarlegra vinsælda um allan heim, meðal annars á Íslandi. Þetta barnaefni er ekki síður vinsælt á meðal fullorðinna og hafa á Netinu sprottið upp kostulegar kenningar um vissa undirtóna í myndunum. Höfundur hefur sjálfur sagt að helstu persónurnar séu lauslega byggðar á dauðasyndunum sjö í trúarbrögðum.

Sjáum hvort eitthvað sé til í því.

 

 

 1. ÁGIRND – SVAMPUR SVEINSSON


Samkvæmt hefðbundinni upptalningu kemur ágirndin alltaf fyrst upp í upptalningunni. Þess vegna getur varla verið tilviljun að titilfígúran fellur beint undir þessa lýsingu. Svampur elskar alla í kringum sig – þó að ekki allir elski hann á móti – og stýrist af áköfum áhuga á að öðlast mikla dýrkun og gera góða hluti.

 

2. OFÁT – GARÐAR


Mjálmandi snigillinn Garðar lætur yfirleitt vel um sig fara í bakgrunninum en reglulega kemur það fyrir að Svampur margtekur það fram að hann ætli alltaf að gefa gæludýrinu sínu að borða. Í einum þættinum strýkur snigillinn meira að segja að heiman eftir að gleymst hefur að gefa honum að borða.

 

3. GRÆÐGI – KLEMMI


Þessi leynir sér ekki. Klemmi krabbi, yfirmaður Sveinssonar, hugsar ekki um neitt nema peninga, út og inn. Þarf nokkuð að segja meira?

 

4. LETI – PÉTUR KROSSFISKUR


Pétur liggur undir grjóti allan daginn og gerir lítið sem ekkert í hinu daglega lífi nema þegar þeir Svampur eru komnir út í einhvern grillaðan skrípaleik. Greind Péturs er ekki mikil, enda krossfiskur! En latur er hann svo sannarlega og fékk þar að auki verðlaun í þættinum „Big Pink Loser“ fyrir að gera nákvæmlega ekkert sem lengst.

 

5. REIÐI – SIGMAR SMOKKFISKUR


Eins og allar aðrar persónurnar í bænum Bikiníbotnum er smokkfiskurinn Sigmar ekki mjög marghliða fígúra. Hann er alltaf reiður, endalaust bitur, almennt andfélagslyndur og hefur sterkt óþol fyrir titlaða svampinum. Það er því ekki langsótt að segja að Simmi mætti brosa oftar.

 

6. ÖFUND – PADDI


Röddin hjá þessari illu marfló er mikil þó að stærðin sé agnarsmá. Paddi rekur veitingastað sem er samkeppnisstaður Klemmabita. Alveg eins og Klemmi sjálfur baðar sig í peningadýrðinni og eigin velgengni þá er Paddi óhjákvæmilega öfundsjúkur út í keppinaut sinn. Reynir hann sömuleiðis oft að stela uppskriftaformúlum.

 

7. HROKI – HARPA ÍKORNI


Það sérstaka við neðansjávarheiminn í teiknimyndunum um Svamp og vini hans er hvernig aðstæður eru gerðar mjög svipaðar og ofansjávar. Umhverfið virðist hafa sama viðnám og ofansjávar og keyra t.d. íbúar um á bátum eða skella sér í freyðibað. Íkorninn Harpa fór á kostum í einum þættinum þar sem hún vildi meina að allir (eins og hún) sem kæmu ofansjávar frá væru betri en þeir í sjónum. Óneitanlega persónugerving stoltsins eða hroka.

 

Related Posts