Janette Beckman  í Gallerí Fold:
Janette Beckman er einn sá virtasti ljósmyndari heims er kemur að ljósmyndun tónlistarmanna og -viðburða. Sögufrægar myndir hennar eru þekktar á meðal tveggja kynslóða í heimi pönks og hiphops. Hún hefur myndað hljómsveitir á borð við The Ramones, The Clash, Afrika Bambaataa, RUN DMC og EPMD ásamt því að hafa á árum áður ljósmyndað mótorhjólagengi á götum Los Angeles. Myndir hennar prýða einnig plötuumslög listamanna á borð við Beastie Boys, The Police, Tracy Chapman, Run DMC, Ministry, Grandmaster Flash, Salt n’ Pepa og fleiri.

Janette er bresk en býr í New York. Í dag sýnir hún verk sín í London, París, New York og Reykjavík og kemur hingað til að setja upp sýningu sína ásamt því að halda fyrirlestra, sitja fyrir spurningum og halda námskeið. Takmarkað upplag miða á þá viðburði er í boði en miðasala fer fram á Miði.is. Sýningar hennar í New York og Paris hafa reynst afar vel og hlotið mikið lof gagnrýnenda.

Hún hefur gefið út tvær bækur um verk sín. Made in the UK; The Music of Attititude var gefin út árið 2005 og hefur að geyma myndir og sögur af ýmsu tónlistarfólki og hljómsveitum frá 1977 til 1983. Hér koma við sögu rokkabillý, pönk, leðju- og döbb-reggý og listamenn eins og Elvis Costello, Sex Pistols og The Ramones. Formála bókarinnar ritar breski hönnuðurinn Paul Smith. Bókin The Breaks: Stylin’ and Profilin var gefin út árið 2007 og birtir okkur heim rapps og hiphops frá árinu 1982 til 1990.

Beckman hefur boðið listamanninum Cey Adams að sýna með sér á Íslandi en sýninguna nefna þau “HIPHOP MASHUP – An interactive photography/graffiti exhibition.”  Cey Adams er stofnandi og stjórnandi Def Jam Recordings og er þekktur fyrir störf sín með Beastie Boys. Hann er þekktur fyrir götulistaverk sín en vinnur nú með hefðbundnari efnivið. Hann mun einnig halda fyrirlestur og vera með námskeið. Örfáir miðar verða í boði á Miði.is.

IMG_3411

GÓÐ: Smutty Smith og Viktoría sjá um kvöldið.

Cey Adams:
Cey Adams er fæddur og uppalinn í New York borg og býr þar enn. Hann hóf feril sinn sem götulistamaður og skapaði og sýndi með listamönnunum Jean-Michel Basquiat og Keith Haring. Hann kom fram í hinni sögufrægu heimildamynd PBS Style Wars (1982) sem er merkileg heimild um neðanjarðarlist í New York á þeim tíma.

Hann starfaði sem listrænn stjórnandi hjá Def Jam Recordings þar sem hann stóð meðal annars að stofnun hönnunarhússins Drawing Board ásamt fleirum. Það sérhæfði sig í sköpun sjónrænna einkenna í tónlistarheiminum fyrir þá listamenn sem störfuðu með fyrirtækinu, svo sem Run DMC, Beastie Boys, LL Cool J, Public Enemy, Notorious B.I.G., Maroon 5 og Jay-Z.

 
Hann hefur haldið fyrirlestra, kennt og staðið fyrir vinnustofum hjá ýmsum þekktum listastofnunum svo sem MoMA, Walker Art Center, MoCA Los Angeles, Pratt Institute, Stamford University, Howard University, Atlanta Contemporary Art Center, High Museum, Brooklyn Academy of Music, and Mount Royal University og The University of Winnipeg in Canada.
Hann er annar höfundur bókarinnar DEFinition: The Art and Design of Hip-Hop, sem gefin er út af Harper-Collins og hannaði nýlega bókina Def Jam Recordings: The First 25 Years of the Last Great Record Label, sem gefin er út af Rizzoli útgáfunni.
Í verkum sínum rannsakar Cey sambandið á milli umbreytinga og uppgötvanna. Þau verk sem hann sýnir nú eru unnin með collage tækni þar sem unnið er með prentað efni, liti, ljós og skugga og sköpuð ný marglaga heild. Verk hans endurspegla kunnuglegar staðalmyndir úr nútíma samfélagi og eru innblásin af popplist sjöunda áratugarins, skiltagerð, teiknimyndasögum og dægurmenningu. Í verkum sínum fjallar hann um poppmenningu, samband kynja- og kynþátta og samfélagsmál.
Lesið Séð og Heyrt á hverjum degi!

Related Posts