Tíminn líður hratt á gervihnattaöld og í ár eru 20 ár síðan Séð og Heyrt kom í fyrsta sinn út á Íslandi. Blaðið var byggt á fastmótaðri skandinavískri forskrift enda algjör óþarfi að finna aftur upp hjólið ef það snýst eins og lög gera ráð fyrir.

Fyrsta árið kom blaðið út á tveggja vikna fresti og menn renndu nokkuð blint í sjóinn með hvernig

EXCLUSIVE NO CREDIT 03/08/97 MEL B { SCARY SPICE OF THE SPICE GIRLS } AND BOYFRIEND FJOLNIR THORGEIRSSON ON HOLIDAY ON THE ITALIAN RIVIERA EXCLUSIVE NO CREDIT 03/08/97 MEL B { SCARY SPICE OF THE SPICE GIRLS } AND BOYFRIEND FJOLNIR THORGEIRSSON ON HOLIDAY ON THE ITALIAN RIVIERA

SLÖK Á SUNDLAUGARBAKKA: Fjölnir og Mel B.

móttökurnar yrðu. Frá upphafi var mótuð sú ritstjórnarstefna að flytja jákvæðar fréttir með litríkum og lifandi myndum sem gerðu lífið skemmtilegra. Formúlan gekk upp og Séð og Heyrt varð strax hluti af íslenskri hversdagsmenningu. Sumir fitjuðu upp á nefið og fannst fréttirnar í blaðinu léttvægar en almenningur var því ekki sammála og blaðið rauk út eins og heitar lummur.

Því var ákveðið að tvöfalda útgáfutíðni blaðsins og gefa það út einu sinni í viku og það jók bara vinsældirnar. Ég var svo heppinn að mér bauðst starf á Séð og Heyrt þegar það byrjaði að koma út vikulega en ég verð að viðurkenna að ég hafði ekki endilega þá trú að blaðið yrði jafnlanglíft og raun ber vitni. Byggði ég það á því að ekki væri til nægilega margt frægt fólk á Íslandi.

Staðreyndin er hins vegar sú að með Séð og Heyrt fjölgaði stjörnum á Íslandi og fólk fær aldrei nóg af að lesa um þær. Fyrsta stóra Séð og Heyrt-stjarnan var ævintýramaðurinn og glaumgosinn Fjölnir Þorgeirsson sem skaust upp á stjörnuhimininn þegar hann var að slá sér upp með Kryddpíunni Mel B. Fólk var forvitið um allt sem Fjölnir tók sér fyrir hendur enda var hann óhræddur við að reyna ný ævintýri.

Séð og Heyrt er ábyrgt fyrir að hafa breytt fjölmiðlun og afstöðu fólks til frægs fólks á Íslandi. Aðrir fjölmiðlar hafa reynt að feta sömu leið og reynt að taka upp þá fréttamennsku sem þeir fordæmdu. Staðreyndin er hins vegar sú að Pepsi verður aldrei Kók og Séð og Heyrt heldur enn þá sérstöðu sinni að vera skemmtilegasta stjörnufréttablað þjóðarinnar. Nú förum við inn í þriðja áratuginn með auknum

Loftur Atli Eiríksson, Séð og Heyrt, staffamyndvinsældum á Netinu þar sem fólk getur lesið nýjar fréttir á hverjum degi, sem enginn segir eins og Séð og Heyrt.

Loftur Atli Eiríksson

Related Posts