bio

REFFILEGUR: Hugh Hefner segir hegðun Cosby óásættanlega

BROSTIN VINÁTTA

Stuðpinninn Hugh Hefner er miður sín yfir ásökunum gegn grínaranum Bill Cosby um kynferðislegt áreiti, enda hefur það komið fram að eitt af atvikunum átti sér stað í Playboy-höll Hefners. Judy Huth lagði fram kæru gegn leikaranum og vildi meina að atvikið hefði átt sér stað í höllinni árið 1975 þegar hún var 15 ára gömul.

„Cosby hefur verið góður vinur minn í mörg ár og þessar ásakanir eru alveg skelfilegar,“ segir Hefner. „Svona hegðun er gjörsamlega óásættanleg, sama um hvern er að ræða.“ Hefner minntist aftur á móti ekkert á aldurstakmarkið, eða skortinn á slíku, til að fá aðgöngu inn í höllina hans umtöluðu.

 

 

 

 

bio

EKKI JÓLABARN: Firth þolir ekki jólin.

SKRÖGGUR Í ANDAbiobio

Colin Firth er heilt yfir talinn vera mikill sjarmör og hefur brætt ófá kvenhjörtun en jólabarn er hann svo sannarlega ekki og að eigin sögn tengir hann sig meira en hann kærir sig um við hinn sígilda Ebenezer Skrögg. „Ég þoli ekki jólin, eins sorgleg staðreynd og það er,“ segir Firth hressilega hress í bragði. „Á þessum tíma árs reyni ég eftir bestu getu að forðast það að kveikja á útvarpinu. Öll þessi jólalög kveikja á óbærilegri þörf til að kasta mér fram af byggingu. Því meira sem fólk reynir svo mikið að kasta gleðinni í þig því auðveldara verður það fyrir flest okkar að breytast í Skrögga.“ Til gamans má geta að Firth hefur spreytt sig með stæl í stórvinsælum jólabíómyndum á borð við A Christmas Carol og Love Actually.

 

 

 

 

 

 

bio

FLOTTUR: Daniel Craig er flottur sem James Bond

LEIKUR NÝJA BOND-SKÚRKINN

Fyrir stuttu kom það fram að Stephen Hawking sæi sig fyrir sér í draumahlutverkinu sem Bond-illmenni en eðlisfræðingurinn neyðist til þess að bíða í ljósi þess að írski leikarinn Andrew Scott mun fara með þá rullu í komandi kvikmynd um njósnara hennar hátignar.

bio

ILMENNI: Stephen Hawking er nýja Bond-illmennið

Um er að ræða tuttugustu og fjórðu myndina í þeirri langlífu seríu og hefur sú mynd formlega hlotið titilinn SPECTRE. Scott er annars vegar ekki óvanur í sínu fagi og hefur mikið lof hlotið fyrir hlutverk snillingsins Moriarty í sjónvarpsþáttunum Sherlock á BBC. Framleiðendur Bond-myndanna eru sagðir hafa séð þættina og strax viljað fá Scott til að leika svipaða persónu. Við fáum að sjá hvernig hann stendur sig í október á næsta ári þegar SPECTRE verður frumsýnd.

Related Posts