Andrés prins (54) hefur áður gert móður sína óða með skandölum:

Hertoginn af Jórvík, Andrés prins, húkir með böggum hildar í höll sinni á Englandi eftir að hann var sakaður um að hafa fyrir margt löngu nauðgað kynlífsþræl á unglingsaldri, fyrir milligöngu milljarðaperrans Jeffrey Epstein. Fregnir herma að hann sé búinn að taka vægast sagt erfitt símtal við drottninguna, móður sína, til þess að skýra sína hlið mála.

VESEN: Andrés prins er í vondum málum.

VESEN: Andrés prins er í vondum málum.

Þessi æsingur í Buckingham-höll er síður en svo það fyrsta sem Andrés veldur móður sinni en Elísabet gekk af göflunum fyrir þremur áratugum þegar í ljós kom að þáverandi unnusta Andrésar, leikkonan og ljósmyndarinn Koo Stark, hefði leikið í bláum myndum.

Koo, sem er 57 ára í dag, hitti Andrés á blindu stefnumóti árið 1982 eftir að Andrés sneri aftur úr Falklandseyjastríðinu þar sem hann flaug herþyrlum. Sagan segir að hann hafi samstundis fallið fyrir bláum augum Koo og ástin blossaði upp á milli þeirra. Hann bauð Koo í frí í Karíbahafi og fór með hana í Balmoral-kasta og kynnti hana fyrir fjölskyldu sinni. Orðrómur komst á kreik um að bónorð lægi í loftinu. Aldrei varð af neinu slíku og sambandið rann út í sandinn eftir að upp komat að Koo hefði árið 1976 leikið í hinni djörfu mynd Emily, þar sem hún sást meðal annars nakin í sturtu með annarri konu. Drottningunni var ekki skemmt og hún lagði ofurkapp á að kæfa samband prinsins og leikkonunnar.

Árið 1977 lék Koo í myndinni Cruel Passion, sem byggð var á skáldsögunni Justine eftir Marquis de Sade, en sá sótraftur er líklega ekki til í bókasafni drottningarinnar. Um svipað leyti fékk hún hlutverk í fyrstu Star Wars-myndinni. Þar lék hún Camie, æskuvinkonu Loga Geimgengils, en báðar senurnar hennar voru klipptar úr myndinni.

 

ÓMÓTSTÆÐILEG: Andrés kolféll fyrir Koo.

ÓMÓTSTÆÐILEG: Andrés kolféll fyrir Koo.

SKANDALL: Klámblöðin fengu áhuga á sambandi Koo og Andrésar.

SKANDALL: Klámblöðin fengu áhuga á sambandi Koo og Andrésar.

PRINSESSA: Koo kom til greina í hlutverk Lilju prinsessu í Star Wars, endaði í smáhlutverki og var að lokum klippt út.

PRINSESSA: Koo kom til greina í hlutverk Lilju prinsessu í Star Wars, endaði í smáhlutverki og var að lokum klippt út.

SPENNÓ: Mogginn stökk á málið.

SPENNÓ: Mogginn stökk á málið.

FÁR: Tíminn fylgdist líka með málinu.

FÁR: Tíminn fylgdist líka með málinu.

Related Posts