Prinsinn og leikkonan sögð vera á leynilegum stefnumótum:

Netið hefur logað af vangaveltum um hvort Harry Bretaprins og leikkonan Emma Watson séu orðin par og hittist nú á leynilegum stefnumótum. Það var tímarit í Ástralíu sem fyrst birti þessa frétt um helgina en síðan hefur hún farið um víðan völl.

Í frétt tímaritsins, Woman´s Day, segir m.a. að þegar Harry frétti af því að Watson hafi skilið við kærasta sinn, Matthew Janney, í lok síðasta árs hafi hann haft samband við sameiginlega vini sína og Watson. Bað Harry um að þeir kæmu á stefnumóti milli hans og Watson. Hann hafi í framhaldinu sent Watson tölvupóst þar sem hann lýsti yfir áhuga sínum á að hitta hana. Úr varð að þau hittust í 12 manna boði vina Watson þar sem neistar flugu á milli þeirra.

Ekkert hefur fengist staðfest af þessari frétt en tímaritið heldur því fram að frá því að fyrrgreint boð var haldið hafi þau Harry og Watson kynnst nánar á leynilegum stefnumótum.

Related Posts