Heiðar Helguson (37) og Mariam Vahabzaeh (29):

mariam

ÁSTFANGIN: Heiðar Helguson hefur kynnt Mariam fyrir vinum sínum og er að sögn í skýjunum, ástfanginn upp fyrir haus. Íslensk móðir, faðir frá Íran; þokkadís í heimsklassa.

Knattspyrnukappinn Heiðar Helguson hefur fundið ástina á ný eftir skilnað við Eik Gísladóttur sem greint var frá í Séð og Heyrt fyrir nokkrum vikum en þar sagði Eik að þau hjón hefðu fengið 17 dásamleg ár saman en vaxið hvort frá öðru.

Nýja ástin í lífi Heiðars Helgusonar er Mariam Vahabzadhe, fædd og uppalin á Íslandi þrátt fyrir nafnið, en móðir hennar er íslensk og faðir frá Íran. Mariam starfar á tannlæknastofu og þykir óvenjuglæsileg.

Heiðar Helguson og fyrrverandi eiginkona hans festu kaup á glæsilegu einbýlishúsi við Sunnuveg í Laugardalnum þegar atvinnumennsku hans í Englandi lauk. Eik Gísladóttir býr þar nú með þremur sonum þeirra en í gangfæri við nýtt heimili Heiðars sem festi kaup á annarri íbúð þar rétt hjá, í Sporðagrunni.

Samband Heiðars Helgusonar og Mariam er komið á það stig að hann hefur kynnt ástkonu sína fyrir vinum sínum og ljómar allur af ánægju. Það sama má segja um Mariam.

 

Related Posts