Dönsk kona sem kallar sig Lene og segist vera 38 ára gömul falast eftir kynnum við íslenska karlmenn í stefnumótasnjallsímaforritinu Tinder. Hún segist vera á Íslandi í viðskiptaerindum og vilji skemmta sér áður en hún fari aftur heim.

Engum ætti þó að dyljast að kynningin á Lene er í raun tilboð um vændi þar sem hún tekur fram að hún geti ekki tekið á móti gestum á hótelherbergi sínu og áhugasamir verði að leggja til húsnæði.
Þá tekur hún fram að sér sé illa við smokka og biður menn því vinsamlegast um að vera ekki með kynsjúkdóma hafi þeir áhuga á frekari kynnum. Í ljósi eðlis auglýsingarinnar er þó ekki hægt að útiloka að hún sjálf geti lagt til smitsjúkdóma kjósi einhver að hitta hana.

IMG_0154

Related Posts