Leikarinn Sean Penn hlaut einnig Cesar verðlaun:

Leikkonan Kristen Stewart skrifaði nafn sitt í sögubækurnar um helgina þegar hún varð fyrsta bandaríska leikkonan í sögunni sem vinnur hin virtu Cesar verðlaun í Frakklandi. Þessi verðlaun eru oft nefnd sem hin franska hliðstæða Óskarsverðlaunanna.

Stewart hlaut Cesarinn sem besta leikkonan í aukahlutverki fyrir frammistöðu sína í myndinni Clouds of Silsa Maria. Í frétt um málið á vefsíðu BBC segir að þegar Stewart hafi tekið við verðlaunastyttunni hafi hún hrópað „Ég elska þig Juliette“ og átti þar við Juliette Binoche sem leikur með henni í myndinni.

Annar bandarískur leikari, Sean Penn, kom einnig við sögu þegar Cesar verðlaunin voru afhent. Hann fékk heiðursverðlaunin fyrir ævilangt framlag sitt til leiklistarinnar.

Related Posts