Hugrún Harðardóttir

SÆT SAMAN: Hugrún Harðardóttir ásamt manni sínum, Loga Unnarssyni Jónssyni.

Hugrún Harðardóttir (31) fékk miða á Mið-Ísland:

Hugrún Harðardóttir, hárgreiðslukona og fegurðardrottning, var á meðal gesta í Þjóðleikhúskjallaranum þegar uppistandssýningin Lengi lifi Mið-Ísland var frumsýnd.

Birtir til „Þetta var ótrúlega skemmtilegt og vel heppnað,“ segir hárgreiðslukonan Hugrún Harðardóttir en hún og maðurinn hennar voru á meðal gesta þegar uppistandshópurinn Mið-Ísland frumsýndi nýja sýningu fyrir troðfullum sal í Þjóðleikhúskjallaranum.

Þetta var í fyrsta skiptið sem Hugrún fer á Mið Ísland en ekki það síðasta. „Þau voru öll hrikalega góð en Anna Svava var samt best að mínu mati, hún fór gjörsamlega á kostum. Hún þorði að gera grín að því sem flestir þora ekki að gera grín að. Það voru margir punktar hjá henni sem maður kannaðist vel við en hefur aldrei lagt í að gera grín að.“

Hugrún opnaði nýlega hárgreiðslustofuna Barbarellu og einn af kúnnum hennar þar er Dóri DNA en hann er hluti af Mið-Íslandi. „Ég er með stofu í sama húsi og Dóri býr í þannig að hann er duglegur að koma í klippingu til mín. Á föstudaginn bauð hann mér síðan að koma á sýninguna og ég var ekki lengi að segja já við því.“

Hugrún mælir með uppistandinu og segir að þetta sé skemmtileg og öðruvísi kvöldstund. „Það er gott að hlæja aðeins og létta á andanum í dimmasta skammdeginu.“

 

Mið Ísland

HRESSIR: Rapparinn Ágúst Bent ásamt hressum félaga sínum.

SH-img_3203

SLÓ Í GEGN: Ari Eldjárn sló í gegn eins og honum einum er lagið.

Mið Ísland

TÖFFARAR: Sindri Snær, eigandi Húrra Reykjavík, Árni Kristjánsson, starfsmaður 66 °Norður, og Axel Ingi lögmaður.

Mið Ísland

GEGGJAÐ: Strákarnir í Mið-Íslandi slógu í gegn og fengu gesti til að veltast um af hlátri.

Mið Ísland

GLÆSILEG: Þorbjörg og Hreimur skemmtu sér konunglega.

Mið Ísland

BROSMILD: Björn, Hulda, Rúnar og Bryndís hlógu dátt að strákunum í Mið-Íslandi.

MYNDIR: BJÖRN BLÖNDAL

 

 

Related Posts