Friðrika Hjördís (38) og Haraldur Örn (44) á Laugarvatni:

haraldur örn

TÖFF: Haraldur Örn hefur víða farið sem frægt er og ekki alltaf auðveldustu leiðina.

Sjóðheitt Það fór vel á með þokkadísinni Friðriku Hjördísi Geirsdóttur og pólfaranum Haraldi Erni Ólafssyni í gufubaðinu í heilsulindinni Fontana á Laugarvatni um síðustu helgi. Erlendir ferðamenn veittu þeim enga athygli en íslenskir gestir sem þarna voru því meiri.

Rikka, eins og Friðrika Hjördís er yfirleitt nefnd, bæði meðal vina og í fjölmiðlum, hefur nýlega sagt skilið við Skúla Mogensen flugkóng í WOW og Haraldur Örn er laus og liðugur og var þarna á heimaslóðum á Laugarvatni þangað sem hann á ættir að rekja. Haraldur Örn er nú einn af framkvæmdastjórum Íslandsbanka og stýrir þar Íslandssjóðum sem sjá um rekstur verðbréfasjóða bankans. Hann er landsþekktur fyrir pólferðir sínar og raðfjallgöngur þar sem Everest-tindinn ber hæst.

Rikka og Haraldur Örn hafa þekkst um hríð, eins og sjá má á myndum á samskiptasíðum, þar sem þau klífa fjöll, arka yfir firnindi og hjóla sem enginn væri morgundagurinn og hvað er þá betra en að slaka á í góðu gufubaði í Fontana á Laugarvatni.

Þegar Haraldur er inntur eftir gufubaðsferðinni með Rikku á Laugarvatni er svarið stutt og laggott: „Ég er á fundi.“

haraldur örn

FONTANA: Glæsilegur unaðsreitur í paradís Suðurlands.

Séð og Heyrt – alltaf á staðnum!

Related Posts