Hystería á sér langa sögu. Forn-Grikkir trúðu því að móðurlífið eða „hyster“ væri lifandi dýr sem ætti sök á fjölmörgum kvillum kvenna. Á 19. öldinni var það algeng skoðun að hysteríu mætti rekja til tilfinningalegs ójafnvægis, einkum hjá ógiftum konum og ekkjum. Hysterían gat þá tekið á sig ýmsar myndir og voru yfir 100 einkenni rakin til þessa ástands. Um og eftir miðja 20. öldina þótti það slæmt að greinast með hysteríu því hún hafði á sér stimpil ímyndunarveiki. Orðið hystería hvarf formlega úr greiningarkóðum læknisfræðinnar um 1980 en hvað varð þá um fólkið og vandamál þess? Hvarf hysterían?

G.Thora-mynd

TVÖ GÓÐ: Taugalæknirinn Finnbogi Jakobsson og sjúkraþjálfarinn Þóra Andrésdóttir.

Í heilsuspjalli í Hannesarholti þriðjudaginn 12. apríl kl 20 munu taugalæknirinn Finnbogi Jakobsson og sjúkraþjálfarinn Þóra Andrésdóttir veita okkur áhugaverða og afar myndræna innsýn í þann sjúkdómsheim sem áður var kenndur við hysteríu en er í dag flokkaður undir heitinu starfræn einkenni frá taugakerfinu. Það mun eflaust koma mörgum skemmtilega á óvart hvað skilningur okkar á eðli þessa algenga vanda og leiðir til úrlausnar hafa þróast á síðustu árum.

Aðgangseyrir kr. 1000

Charcot_experience_histeric-hipnotic

Séð og Heyrt – engin hystería!

Related Posts