Fjölnir Þorgeirsson (43) heillar dömur upp úr skónum:

 

Sjarmör! Fjölnir Þorgeirsson er án efa frægasti kærasti Íslands og aldrei lengi á lausu enda myndarlegur með eindæmum. Fjölnir er sveitastrákur fram í fingurgóma og mikill dýravinur sem sýndi sig best þegar hann bjargaði tíu hestum sem lentu niður um ís á Tjörninni árið 2009.

 

HETJA:

 

Fjölnir vann hetjudáð þegar hann bjargaði 10 hestum upp úr Tjörninni árið 2009. Það var fjallað um atvikið á Animal Planet þar sem Fjölnir fékk viðurnefnið hinn íslenski víkingur.

 

SÆT SAMAN:


Nýlega bárust fregnir af því að Fjölnir væri kominn með nýja kærstu sem heitir Þóra Steina og er viðskiptafræðingur. Það er þó nokkur aldursmunur á parinu, eða 19 ár, en eins og sagt er þá spyr ástin ekki um aldur.

 

VÖKTU ATHYGLI:

flott
Fjölnir og Marín Manda voru par og vöktu mikla athygli hvert sem þau fóru. Marín Manda flutti síðan til Danmerkur til að læra fatahönnun og slitnaði þá upp úr sambandinu. Síðar tók hún saman við Sverri Bergmann en þau hafa nú slitið samvistum og er hún á leið aftur til Danmerkur.

 

MAILINN!

Fjölnir og Mailinn Solér vöktu mikla athygli þegar þau mættu í afmælisveislu til Jónu Lár á Hótel Borg og færðu henni fallegt málverk sem Mailinn hafði málað. Fjölnir og Mailinn áttu svo sannarlega sameiginleg áhugamál, bæði hestamennskuna og málaralistina, en Fjölnir hefur málað málverk í gegnum tíðina og hlotið mikið lof fyrir. Samband þeirra rataði í skandinavísku pressuna, Verdens Gang, þar sem greint var frá því að kaupsýslumaðurinn Fjölnir hafi eignast nýja kærustu, hina norsku Mailinn Solér. Fjölnir og Mailinn eiga saman soninn Oliver Erik.

 

HESTAPAR:


Fjölnir og hestastelpan Sjöfn Sæmundsdóttir kynntust á landsmóti hestamanna sumarið 2008. Parið hélt úti ræktunar-tamningarstöðinni Hásæti við góðan orðstír enda bæði frábærir reiðmenn. Fjölnir og Sjöfn eiga saman einn son.

 

FYRST VINIR SÍÐAN PAR:


Árið 2011 bárust fregnir af því að Fjölnir og söng- og leikkonan Bryndís Ásmundsdóttir væru byrjuð að stinga saman nefjum eftir að hafa verið góðir vinir í fleiri ár. Fjölnir og Bryndís eignuðust saman soninn Fjölni árið 2012.

 

VAKTI HEIMSATHYGLI!

Eitt frægasta ástarsamband íslensku þjóðarinnar var samband Fjölnis og kryddpíunnar Mel B. Samband þeirra stóð yfir í eitt og hálft ár eða frá árinu 1996-1997 þegar Spice Girls voru á hápunkti frægðarinnar. Á þessum tíma var stúlknabandið vinsælasta hljómsveit heims og var að slá sölumet ekki óþekktari aðila en Bítlanna og Elvis Presley. Fyrsta breiðskífa sveitarinnar sat lengi í efsta sæta vinsældarlistanna í ótal löndum og seldist í yfir 10 milljónum eintaka. Parið hafði í hyggju að gifta sig sumarið 1997 en hætti saman áður en kom að stóru stundinni. Mel B greindi frá kynnum sínum við Fjölni í ævisögu sinni og bar honum vel sögun, eða með hennar orðum: „Eftir þetta byrjaði ég með Fjölni Þorgeirssyni frá Íslandi sem ég kynntist einnig í Blackpool. Ég féll kylliflöt fyrir honum en síðan flutti hann aftur til Íslands. Samband okkar var mjög ástríðufullt.“

 

LINDA!


Fjölnir og Linda P kynntust árið 2001 og trúlofuðu sig eftir eins mánaðar samband á ættarmóti hjá fjölskyldu Lindu. Saman mynduðu þau eitt helsta ofurpar Íslands og voru gjarnan á milli tannanna á fólki.

 

FLOTTUR FAÐIR:

Fjölnir er flottur faðir.

 

MYNDARLEGUR:


Það er engin furða þó að Fjölnir sé ekki lengi á lausu.

 

Related Posts