Bubbi Morthens (59) á fullu:

Bubbi Morthens hefur allt frá upphafi tónlistarferils síns verið maður orðsins; ekki síst þekktur og dáður fyrir söngtexta sína, sem margir hverjir eru einstaklega grípandi og myndrænir. Nú sendir Bubbi frá sér fyrstu ljóðabókina, Öskraðu gat á myrkrið – 33 óbundin ljóð, meitluð og kröftug, þar sem dregnar eru upp sláandi myndir af hörðum heimi; svörtum martraðarheimi vímu og ótta, og öskrinu sem óhjákvæmilega brýst út og klýfur myrkrið.

Þjóðin þekkir tónlistarmanninn og textasmiðinn Bubba. Nú er tímabært að kynnast ljóðskáldinu.

Bubbi býður til útgáfuboðs í Hagkaup Skeifunni kl. 17 föstudaginn 25. september. Höfundurinn les úr nýju bókinni og áritar. Léttar veitingar í boði og allir velkomnir!

Related Posts