Pressa Þórir Traustason, litli bróðir fjölmiðlahetjunnar Reynis Traustasonar, var meðal þeirra sem fögnuðu útkomu Stundarinnr, nýja fjölmiðils þeirra sem hrökktust frá DV í mögnuðu valdatafli sem frægt er.
Fjölmargir binda miklar vonir við Stundina og hlutverk hennar í íslensku samfélagi framtíðar og Þórir verður þar bróður sínum innan handar við ýmsilegt eins og hann reyndar hefur verið um langt skeið.
VEIIII: Teitur Atlason var fjallbrattur í Stundargleðinni, fékk sér popp en lét bjórinn eiga sig, enda árafjöld síðan hann sneri baki við áfenginu.
Í hófi sem haldið var vegna útgáfunnar var einnig ofurbloggarinn Teitur Atlason sem lengi var búsettur í Gautaborg og hefur látið hressilega að sér kveða í umræðu eftirhrunsáranna.
Teitur segist eiginlega ekkert skilja í sjálfum sér að hafa flutt aftur til Íslands, í barlóminn og reiðina á landinu. Hann er þó algerlega óbugaður og stólar á að Stundin muni berja á spillingaröflunum í landinu. Hann hélt upp á tímamótin með því að fá sér popp með félögum sínum á Stundinni og frestaði því þannig að opna leiðinlegan gluggapóst sem hann segir hrannast óþægilega upp hérna á skerinu.
MÆÐGUR: Viktoría Hermannsdóttir vann lengi á DV en er nú á Fréttablaðinu.
GAMAN SAMAN: Gömul DV-kempa, Kristjana Guðbrandsdóttir, með dóttur sinni.
SPEKINGAR SPJALLA: Sagnfræðingurinn Gunnar Karlsson og þjóðháttafræðingurinn Árni Björnsson settu gáfulegan svip á samkvæmið.
TVEIR UMBÓTASINNAR: Hallgrímur Helgason og Eiríkur Bergmann koma víða við í umræðu dagsins.
RITSTJÓRARNIR: Ingibjörg Dögg Kjartansdóttir og Jón Trausti Reynisson eru ritstjórar Stundarinnar. Þau hafa lengi unnið saman á fjölmiðlum, meðal annars á tímaritinu sáluga Ísafold og á DV.