Hjónin Beoncy og Jay Z, sem nú dvelja á Íslandi, eiga í hörkubaráttu um kaup á þekktu íbúðarhúsi í Beverly Hills. Áður en þau hjónin komu til Íslands voru þau búin að skoða þessa fasteign sex sinnum en nokkrir aðrir auðkýfingar hafa einnig mikinn áhuga á að kaupa hana.

Í erlendum fjölmiðlum kemur fram að íbúðarhúsið eða villan skarti 15 svefnherbergjum, bílskúr fyrir 16 bíla, kvikmyndasal þar sem 24 gestir geta setið í makindum, vínkjallara  og hin ómissandi sundlaug í garði húsins er í keppnisstærð. Þá fylgir nær 8.000 fm lóð með húsinu og útsýnið þaðan er til Malibustrandar og miðbæjar Los Angeles.

Verðmiðin á þessum herlegheitum er um 85 milljónir dollara eða yfir 10 milljarðar kr. Fram kemur í fréttum að húsið var hér á árum áður í eigu Elizabetar Taylor.

Related Posts